قصة واقعيه (وفـــــــــــاة زوجي وحبيبي وروحي ورحلتي معه قبلها بأيام(( القصة منقولة ))

السلام عليكم

هذي القصه حقيقيه نقلتها من منتدى اخر
وصاحبة القصه اسمها غيوض

حتى يستفيدو الاخوات اللي يزعلون ازواجهم لاسباب تافهه ويتعضو من القصه..

طبعا أنا وعدتكم أحكي لكم قصة وفاة زوجي والأحداث اللي قبلها
أسويها وأنا مدري زوجي الله يرحمه كان مجنووووووووووووووووون ببنتي جنايشتري لها ألعاب وينشدلها من راسه وكنت أنا على طول أصوره مع جنا فيديو ومرة قال لي يووووه انت كل مامسكت جنا جبتي جوالك وتصوير كنت أقوله إيه خلي جنا تعرف أبوها وش سوى لها يوم كانت صغيرة عشان تبرك لاكبرت
وكنت أسجل أي أنشودة ينشدها لجنا
المهم زارتنا أخته وكان مع ولدها عربيه وكان حبيبي يركب جنا وينزل ولدها واحنا نضحك المهم ماتحمل وعلى طول رحنا السوق وشرينا لجنا عربيه وملابس وأشيااااء كثيرة واحنا طالعين يضحك ويقول هالنتفه الصغيرة تكلفنا الف وهي توها أجل لاكبرت وش بتسوي ونضحك انا وياه عليها لأنها عصبيه وماتعطي وجه الا بالموووت واحنا بالطريق كان ينشد ويقول على لسان جنا
ياحظي ياحظي بابا شرالي عربيه
ياحظي ياحظي حلوة والله وورديه
ألعب فيها زي ما بي وأنطط على كيفي
العب فيها لحالي محدينزلني منها
وانا ميتتتتتة من الضحك طبعا أخته ياقلبي كانت معنا
ومقاطع غيرها كثييييييييرة
وصورته مع جنا وهو يأكلها سيرلاك وهي تدفه ماتعرف تاكل وهويغصبها ووسخت ملابسه
وصورت الأغراض اللي شراها لها أول مرة جاب لها سيرلاك وعضاضه ومصاصه وصحن بس همه يجيب لها وبس
سبحااااااان الله وكنت إذا ابيه يصحى للصلاة بس أجيب لهاطبعا أبي أقولكم على شغلات كنت جنا ويقوم ومرة صورته وهو نايم وحاطة جنا جنبه وهي تجر شعره تلعب
هو مات فجر الثلاثاء الخميس اللي قبله رحنا البحر وصورتهم مع بعض
يوووووووووووووه الصور وش أقول وش أخلي كل موقف صورته
وماكان واحد في الميه ببالي اني اجمع هالصور والمقاطع عشان تتذكره جنا وهوميت موحي سبحااااااااااااااااااااااااااا ااان الله كيف الإنسان مايجي على باله الموت خصوصا ان زوجي في الثلاثينات يعني في عز شبابه
المهم قبل مايتوفى بإسبوع كان يشتكي من ألم في بطنه يجي ويروح
وكان اذا جاه الوجع بس يتشهد وانا استغرب هالشي المهم اخر ثلاث ايام مررررة صار يتعب من بطنه وكنت أنا أجيب له مويه زمزم وأقرأفيها قران وأعطيه وكان يقول أنا أرتاااااح اذا شربت المويه المهم راح المستشفى قالوا له قولون وعطوه حبوب ومر اليوم الأول
اليوم الثاني غاب عن المدرسه وماقدر يروح وصحي من النوم واستغربت انه غايب لأنه مااااااااااااااشاء الله عليه مايغيب أبدا ألا لضرووورة وهالضرورة ماجات بسم الله عليه
وجا الليل اليوم الثاني وكان بيروح ينام بس ماقدر وكان يرجع لي انا وجنا ويقول ماقدرت أنام وقعدمعنا للساعة الفجر 3
أقنعته ياخذ دش وفعلا تسبح وطلع بخرت له الغرفه وعطرتها وشغلت له القران في الغرفه وطلعت إلا شوي ورجع سألته وش تحس ياقلبي قال أحس بألم في بطني يطلع لصدري ويرجع طبعا انسدح في الغرفة اللي قاعدين فيها ونام غطيته وطلعت عنه
اليوم الثالث :
صحا من النوم الساعة 10الصبح وقال لي سوي لي فطور وفعلا سويت له فطور وكنت انا صايمة وقعديمد فطوري طبعا سويت له فول وقبل فترة سويت له فول ومدحه قلت بذمتك موأحسن من فول مطاعم أبو زيد (طبعا من أشهر المطاعم بجدة )شوفوا الثقة
قال لي لاعاد موأحسن عاد انت لاتقارنين نفسك في مطعم متخصص بالفول وانا زعلت من زين العقل المهم هاليوم مدح الفول وقال والله العظيم ان هذا أحسن من أبو زيد وضحكت أنا وانبسطت
المهم مراليوم عادي وجا وقت الغدا سويت الغدا وتغدا طبعا جنا كانت مييييتة من الصياح تخيلللللللللوا هالموقف كل ما أذكره أتعب شال السفرة وحط لي الأكل في حافظه قال عشان في المغرب تفطرين عليه ياااااااااااااااااااااقلبي ياحبيبي الله يرحمك تخيلوا لقيت الأكل بعديده ياااااعمري عليه
المهم في العصر سبحااااااان الله طلع برا وقال لي سوي لنا شاهي بتقهوى مع الجيران وفعلا جلس مع الجيران في الديوانيه
بعدالعشا دق الباب طلع جارنا طبعا
دخل وسويت قهوة المهم اللي بوصله سبحان الله اخريوم له وصل كل جيرانه كأنه حاااس
دخل وكان في برنامج اسمه 99كان بعنوان أخطاء طبية وكان يحزززن وكنت أنا أبكي بحرررقة وهو ساااااكت بس متأثر مرررة خلص البرنامج قال تبين شي من برا وعاد انا هليت الطلبات وراح جابها طبعا قال لي انا مقدر خلاص اكل شي في طماط وموالح حطي بس نواشف وبكرا سوي الغدا رز ابيض بس قلت له طيب وانا اضحك راح جاب خبز وتعشينا طبعا في شي كنت ملاحظته بس سكت اخر ثلاث ايام مايمسك جنا نهاااااااائيا بس يناظرها من بعيد ويكلمها وانا اتكلم بلسان جنا واقول تيب يابابا والله لوريك والله ماعاد اعطيك وجه وانا ظرفيه وهويبتسم بس موكعادته المهم واحنا نتعشا قعديأكل جنا قشطة ولاأكلت قام حط لقمتها واخذتها على طول واكلتها قام ناظرني كني بزر ويقول من سمحلك تاكلينها وضحكت انا طبعا شلت العشا ورحت المطبخ نظفته ورجعت لقيته قاعد يستغفرعلى اصابعه طوووووووول وانا جالسه على عالم حوا كالعادة بعدين قال يووووه الساعة 11بروح أنام قلت له نوم العوافي يارب وراح الا وأسمع صرخته وجيت أركض الا وأشوفه قاعدبالصاله على الأرض ويتألللللم ويقول جيبي مويه واجيب يمكن طلبها 4مرات بعدين طلب مني سلة مهملات وجبتها وانا ابكي وهو طووول ماهو يتألم يقول أشهدأن لاإله إلا الله وأن محمدا رسول الله

....................

والله العظيم اني دعيت لكل وحدة ردت علي وحدة وحدة واللي قرت قصتي وبكيت اقسم بالله اني وقتها تمنيت اني قدامك وامسحك دموعك بيديني وأقولك صحيح ربي ابتلاني لكن ربي رحيييييييييييييييييييييييييييي ييم ربي أنزل البلاء لكنه بنفس الوقت نزل الصبر أنا ماأقولك اني حزينه لاوالله الابموووووووووووووووووووووووت بالثانية الف مرة لكن الله ممتن علي بالصبرقاعدة أحمدالله اني شفته كأنه نايم ماشفته وهو مقطع يارب لك الحمد أحمدالله إنه مات متشهد مامات وهو قدام تلفزيون ولا على معصية أحمدالله إنه مامات محترق وهنا قلبي راح يحترق مليوووووووووووووون مرة الحمدلله كماينبغي لجلال وجهه وعظيم سلطانه أحمدالله إنه مات واحنا مومتزاعلين ويكفيييييييييييييني إني قريت تفسير الأية (إنما يوفى الصابرون أجرهم بغير حساب ) المعني ان الله لايعطي الأجربمكيال بل يغرف لهم غرف ياااااااااااااااااااااااالله هالكلام يريحني وشي ثاني بعد الله ما إختارلي هالشي الا لخير الله يعلمه (وعسى أن تكرهواشيئا وهو خير لكم )
وقريت كلام بنات كثيييييييييييييييييييييييييييي يييروكان مثل العسل على قلبي مثل اللي قالت ان المحنة ظاهرها منحة
اللي واسوني بأيات قرآنيه فعلا قريتها وارتحت
اللي استدلوا بأحاديث على إن المبطون شهيد وأسال الله العلي العظيم أن يكون حبيبي شهيد
الله يجزاكم بالجنة ياااااااااااارب الله يطرح لكم البركة في أزواجكم وذريتكم والله ماراح يضيع أجر كل وحدة كتبت لي رد كان فيه مواساة لي وعساني أذكركم بس في الأفراح إن شااااء الله

نفسيتي تعبت أتخيل اللحظة الي اشوف فيها حبيبي يااااااااااااااااااااااااااااا ااه ما أروعها من لحظة أشوف جنا وأحمدالله إن ربي عطاني ذريه وانا ابي العوض في الاخرة وطووووووول الوقت أتخيل كيف راح يكون لقاااائي في حبيبي الله يجمعني انا وياه في مستقر رحمته
اللي قالت لي إنها غيرت علاقتها مع زوجها يااااااااااااااااااااااااااااا اااااااارب تؤلف بينهم وتبعدعنهم كل شيطان يارب
كلامك فرحني كثيييييييييييييييييييير فعلا ياقلبي ترى الزوج هو تذكرتك للجنة والله انك ماتضمنين كم بتقعدين يالغاليه ولا كم يقعد ولومات وهو زعلان وقتها بتعضين اصابعك من القهر تدرين لييييييييييييييييييييييييييييش ؟؟؟
لأن الشيطان الله يلعنه وينتقم منه هدفه التفرقة بين الزوجين هذا اولا
ثانيا ادخال الحزن لقلبك وراح يدخله لك لو الله اخذ أمانته في انه يخليك تعاتبين نفسك وتلومينها على تقصيرك مع زوجك وياليتني سويت له كذا وليتني ماقلت له كذا طيب بعد اييييييييييييييييييييييييييييش هالعتاب وش فايدته غير ادخال الهم والحزن لقلبك
أشكر كل وحدة كتبت لي لوكلمة وحدة سواء على العام أوو الخاص وأتمنى تعذروني لأني تأخرت والله العظيم انه ماردني عنكم الا الشديدالقوي وبإذن الله بس انتظر اطلع من الازمة النفسية هذي وأشكر كل وحدة كتبت لي ردها اللي كان مثل الثلج على قلبي ونصيحتي ياحريم التفتوا لأزواجكم وراجعوا أنفسكم زيييييييييييييييييين زييييييييييييييييييييييييييييي ن و
نصيحة مني أعطي زوجك بدون حدوووووووووووووووود خليك معه كريمة في اخلاقك وقابلي الإساءة بالإحسان تحملي وتحملي وتحملي ولومافيه مقابل انت تبين الأجر من الله ولامن زوجك وصدقيني صدقيني صدقيني احساسك بإنه لك بيت انت مديرته وتتحكمين في كل ركن فيه واطفال حولك وزوج على الأقل يوفر لك الأكل والشرب وان كان مقصر في جوانب أخرى هذي نعم عظيييييييييييييييييييييييييييي يييييييييييييييييييييييييييمة مارح تحسين فيها الاإذا فقدتيها أحمدي ربك على نعمة الأمن
على فكرة ترى من أكبر الأسباب اللي ربطت على قلبي اني كنت أيام أحداث غزة تعباااانة نفسيا ومحترقه وتعبت حتى زوجي الله يرحمه وكنت أقول له خلنا نشوف عشان نحس في غيرنا ونعرف نعم الله علينا لأنه كان يتضايق من كثر ما جننته ابيه يشوف معي ويشاركني احداث غزة وشفت مواقف كثيرة لهم ووقتها كنت أقول والله لويموت أي أحد من هلي راح أحمدالله انه مات على الأقل مو بغدر من أعدائنا كنت أقول على الأقل يموت معزز ومكرم مو جثة مرميه ويطلقون رصاص للأسعاف عشان مايشيلونه والحمدلله زوجي مات لكن الحمدلله بدون حرق دم وأعصاب الحمدلله عندنا قبور يندفن فيها الميت بعدمايصلى عليه الحمدلله الحمدلله الحمدلله كل ماذكرت أحداث غزة أقول انا وييييييييييييييين وهم وين
لو احنا نسينا جروحهم تراهم للحين جروحهم تنزفون كل واحد مافقد واحد وبس لافقد اغلب أوبعض أهله ان ماكان كلهم
الحمدلله ربي أخذمني حبيبي بس خلى لي شي من ريحته
بنتي جنا اللي بإذن الله ربي بيبلغني فيها بفضله ثم بفضل دعواتكم اللي والله والله والله اني مدينة لكم العمر كله لكن الأجر تلقونه من رب العالمين اللي يعطي الأجور بغير حساب سبحانه اشكركم وحدة وحدة وأحب راسكم وحدة وحدة بيض الله وجيهكن الله يسخر لكن أزواجكن يااااااااااااااااااااااارب
ملاحظة :لكل عضوة قالت انا صرت أخاف على زوجي وما أتخيل افقده أبقولها كلام يريحها
أولا الله كاتب له من يوم هوفي بطن أمه كم بيعيش وكيف بيموت
ثانيا:لاتضيقين خلقك وتشيلين هم شي ممكن يصيرووممكن مايصيروقولي هذا الدعاء داااااااااااااااااااااااااائما
(اللهم إني أسألك إيمانا يباشرقلبي ويقينا صادقا حتى أعلم أنه لن يصيبني إلا ماكتبته علي والرضا بماقسمته لي ياذا الجلال والإكرام )
ودااااااااااااااااااااااااااائ ما بعدماتصلين الفجر قولي (اللهم إني أستودعك زوجي اللههم احفظه بحفظك يامن لاتضيع ودائعه )
اللهم حصن فرجه وغض بصره وسمعه واكفيه بنات الحرام اللهم احفظه بحفظك
أنا من يوم تزوجته ادعي بهذي الأدعيه بعدالفجر لكن قدر الله في اليوم اللي غاب فيه اني ما استودعته الله لأني تعودت الصبح اول مايطلع ألحقه وأقول الدعاء بعدماأقفل الباب جربوها الحركة ترييييييييييييييييييييييييح مرة
الحين راح أكملكم سالفتي
طبعا رجعت البيت وطبعا أهلي بمدينة ثانية دقيت على أبوي وكلمته وحاولت أبين اني عادي قلت يابوي بقولك شي ترى انا الحمدلله بخير وبصحة وعافيه لكن فواز زوجي الله يرحمه وأبيكم تجوني
طبعا ابوي قال لاحول ولاقوة الابالله العلي العظيم وامي كانت جنبه قالت اش فيه والله يهديه على طول قالها زوج 0000مات امي انهارت من الصياح وماكلمتني وانا كمل الناقص عندي طبعا جاتني مرة اخوه الله يجزاها خير يارب

وماكانت تدري إني أدري دخلت ولقيتني ساكته وعندي جارتي وانا لاشعوريا قلت انا شفت حبيبي ياقلبي عليه كأنه نايم وهنا انصدمت وقالت انا كنت شايله هم كيف أقولك بعدين جات أخته ونفس الشي ماتدري شسالفه تخيلللللللللللللللوا شعوري ولاأحدمن أهله يدري أنا وخوه وولد أختي وبسسسسسس اللي ندري باقي أمه 00خواته 00اهله كيف راح يدرون
وهم بمدينة ثانيه كنت شااااااايله هم أمه كثيييييييييييييييير لأنها حنونة مرررررررررررة وطيبة كيف راح يكون موقفها مين بيعلمها يووووووووه أتعبني كثير هالشي كثيييييير تعبني
طبعا اخته شكت بس ماجا على بالها واحد بالمية انه حبيبي مات وجات تسألني بس ماقدرت اردعليها وجاتني طبعا أكثر من وحدة من أقاربه ومرة عمه كانت ذوووق خذتها بغرفة وعلمتها وانهارت طبعا
طبعا وصلني كلام من أخوانه إنهم لماغسلوه في المغسله كان وجهه أبيض مررررة وريحته حلوة سبحااااااااااااااااااااااااان الله
باقي الحين حبيبي وين بيدفنونه وين بيصلون عليه
طبعا كلمت مرة عمه وقلت لها كلميهم يصلون عليه في مكة وطبعا أخوانه كانوا أكثر حرص مني إنهم يصلون عليه في الحرم
قدرالله ان إجراءات الوفاة تتأخر والفائدة اللي صارت انه صلوا عليه صلاة العشاء واللي كان راااااااائع في الموضوع إنه في أول الأيام البيض
وكان الحرم زحمممممممممممة ماشاء الله وسبحان الله دقوا علي بعض صديقاتي قالوا شفنا جنازة زوجك وكانت سريييييييييييييييعة ماشاء الله يركضون وراها ركض الحمدلله وبعدماصلوا عليه راحوا يدفنونه في مقبرة الشراااااائع والعجيب سبحااااااااااااان الله انه تبع جنازته عددكبيييييييييييييييير أخوانه يقولون كان معنا ناس مانعرفهم غير طلابه اللي شيعوا جنازته سبحاااان الله مع انه كان نوعا ماشديدعليهم بس من حبه وخوفه عليهم وكان دايم يشتكي لي عن خوفه عليهم وكيف انهم يضيعون أنفسهم
المهم جات اللحظة الصعبة (إني أفارق البيت اللي صرت ما أشوف فيه إلا ذكرى زوجي )
طبعا دعيت الله إنه يهوووون علي هذي اللحظة وطلعت وأخذت بعض أغراض جنا المهمة وانا رميت كل ملابسي لأنها تذكرني فيه وطلعت لقيت أخواني حاطين سياراتهم مغطين فيها سيارة حبيبي
بس مستحيييييل إني كنت ماراح أودع سيارته ولفيت من عندسياراتهم ورحت لسيارة حبيبي اااااااااااااااااااااااااه ياقلبي قمت أشوف مكانه ومقعده ومقعدي اللي كانت اخر مرة ركبته يوم الخميس يوم رحنا تمشينا وما أكذب عليكم بكيت ومسحت مكان المفتاح وركبت سيارة أخوي ومشيت الله يافواز يجمعني فيك ببيت في الجنة وأملي عيوني بشوفتك يالغالي وأحكي لك وأسولف لك وأتخيل كيف بيكون شكلك يااااااااااارب اطوي عني طول السنين يارب
أخواتي الله يجزاكم كل خير يارب أدعولي إن الله ينبت جنا نباتا حسنا ويجعلها داعيه إلى الله وأن يطوي السنين بسرعه على قلبي
أخواتي والله العظيم إني كنت إنسانة عادية مثلي مثلكم أدخل قسم الطبخ وقسم الجمال والأناقة وأستثقل الدخول إلى قسم الفتاة المسلمة مولإني عاصية ولا كارهة للذكر ولكن والله انه ضيق ما أدري ليش يجيني علما بإني ألوم نفسي وأتضاااايق
ليش أنا كذا مووقته إني أتكلم عن نفسي لكن انا كنت مقصرة في العبادة والله يرحمنا وقتي كان أغلبه سوالف ولعب لكن الحدث اللي صار لي خلاني أغير نظرتي 180 درجة يالله كثر ماكان قلبي معلق بالميك أب والملابس كثر ما الان نفسي عافت كل شي موبس كذا لااااااااااااا
أنا وقتها حسيت بخووووف حسيت انه فعلا فيهجنة ونار (لاتفهموني غلط أنا مؤمنة بهالشي )بس انا عمري مابحثت ودورت عن الميت وايش يحس وهل يدري عن اهله لقيت نفسي ماااااااااااااأعرف ولاشي وكنت لما أفتح عالم حواء أدور شي يبردعلى قلبي الاقي كلن بهمه وانا بهمي اللي محد بيعيشه وقتها إلا أنا والله يابنات والله كنت أدخل تجمع الأرامل بين فترة وفترة عشان أواسي خواتي وكنت أقول ياااااااااااااالله ما أتخيل ياحياتي كيف صابرات هالأخوات وأقعدأهنيهم بالأجر وأنا مابيني وبينهم الافترة بسيطة وصرت وحدة منهم الحمدلله أنا راضية بس ماااااااااااااااااااااااكان على بالي تعرفون يعني ايش ماكان على بالي
طيب باقي زوجي الغالي وش كان عليه قبل مايموووووووت ؟؟؟؟؟؟؟؟
زوجي كان حرييييييييييييص على صلاة الفجرفي المسجد
زوجي كان فيه ميزة انه لايمكن يسمع بعزا الايرووووح حتى لو اخرالدنيا (وربي أكرمه )
زوجي كان إنسان عادي لكن كان يحترم اني ماأسمع أغاني ومايسمع
زوجي كان حرييييييييييييييص وبقووووة على أذكار النوم بالذات بالذات أكثر من أي شي
زوجي كان أول مايصحى من النوم يقول أشهدأن لاإله إلا الله محمد رسول الله والله لو بس يقوم كذا يتقلب يقولها
زوجي كان بار بأمه
زوجي كان يحب عمله ويخلص فيه لأبعدالحدود
زوجي كان له كتابات راااااائعة للشباب وللبنات وراح أحطها بإذن الله
هذي أبرزالأشياء اللي كانت في زوجي الله يرحمه
اللي أبي أقوله ترى الله رحيييييييييييييم بعباده فووووووق ماتتخيلون ترى ربي غني عن عبادتنا ربي يبي منا إخلاص 00تأنيب ضمير في حاله ارتكاب ذنب 00ربي يبي نية صادقه
الأخوات اللي أرسلوا يستفسرون عن إسم زوجي ايه هو اللي الإسم االلي أرسلتوه وأرجوا الدعاء له بالرحمة
فدييييييييييييت كل من واستني ودعت لي أولجنا أو لحبيبي والله يجعل ذلك في ميزان حسناتك يالغلا
وأنصح كل متزوجة إنها تعامل زوجها بالحسني لأن مثل ماقلت لك كل هذا من الشيطان والشيطان الخبيث راح يورثك الحسرة لوفقدتي زوجك ويعددلك محاسنه ومحي عيوبه بعكس لوكان حي يالغالية واصبري واصبري واصبري وابشري بالجنة
اخرشي بقووووله وأعتذرعلى عدم التفصيل في الموضوع ياليت تحصنوووون بيوتكم بالذكر والقرآن واحفظوا أسرار أزواجكم وخلوها شي خاص وجميل بينك انت وزوجك وبسسسسس
خليك غامضة وراح تزيد هيبتك لأنك لو تكلمتي عن حياتك الشخصية ماراح تسلمين من العين
هذا أولا وثانيا لايجوووووووز لإمرأة أن تفشي مايدوربينها وبين زوجها والمرأة طبعها الحياء لكن اللي يصير هالأيااام إنك ماتجلسين بمكان إلا محور الحديث عن الرجل والأشياء اللي تجذب الرجل وكل وحدة تقعد تحكي كل موقف بالتفصيييييل وللأسف الوازع الديني أصبح ضعييييييييييف في أغلب البيوت وعشان كذا الإنسان عرضة للحسد00العين 00السحر والعياذ بالله وكثرة المشاكل كل هذا والله من المعاصي ولوكنت على غير معصيه إعلمي أخية إن هذا إبتلاء من الله العلي القدير
أخواتي أنا كتبت لكم غيض من فيض والله ما أبي زيادة صفحات كثر ما أبي كل وحدة ترااااجع علاقتها مع زوجها وتشوف هي صح ولاغلط
وبإذن الله راح أحط لكم المواضيع اللي زوجي كتبها الله يرحمه علها تكون علم صالح ينتفع به
جزاكن الله كل خيييير ياأخوات لم تلدهن أمي
على وقفتكن الإنسانية معي والله لايضيع أجر المحسنين